જામનગરમા ધારાસભ્ય દિવ્યેશ અકબરીએ આણદાબાવા સેવા સંસ્થામાં આશ્રિત બાળકો અને વડીલો સાથે ધુળેટીનું પર્વ મનાવ્યું

જામનગર તા ૨૫, જામનગરના ૭૯- વિધાનસભા વિસ્તારના ધારાસભ્ય દિવ્યેશ અકબરીએ આજે ધુળેટી તહેવારની ઉજવણી ગરીબ અનાથ તેમજ દિવ્યાંગ બાળકો અને તેમના પરિવારો સાથે કરી હતી , આજે ધુળેટીનું પર્વ જામનગરની આણદાબાવા સેવા સંસ્થા માં અભ્યાસ કરતા મુક-બધીર તથા અન્ય દિવ્યાંગ બાળકોની સાથે રહીને ધૂળેટીનું પર્વ મનાવી પોતાની સંવેદનશીલતા ની અનુભૂતિ દાખવી હતી . ધારાસભ્ય દિવ્યેશ અકબરીએ ગત વર્ષે ધુળેટી નું પર્વ દિવ્યાંગ બાળકો સાથે જ ઉજવ્યું હતું, જે પરંપરા આ વખતે પણ ચાલુ રાખી છે, આજે પણ સવારે ૧૦.૦૦ વાગ્યે આણદાબાવા સેવા સંસ્થા સંચાલિત આશ્રમમાં અભ્યાસ કરતા બાળકો તેમજ આણદાબાવા સેવા સંસ્થા સંચાલિત વૃદ્ધાશ્રમમાં રહેતા વડીલો સાથે ધુળેટી મનાવી હતી.