મોટી સંખ્યામાં યુવાનો આ કાર્યક્રમમાં ભાગ લેવા ઉમટી પડ્યા હતા.
ઉજવણી દરમિયાન ભારે ઉત્સાહ અને ઉમંગનો માહોલ જોવા મળ્યો હતો
જામનગરમાં ‘રંગ દે 2024’ રંગ ઉત્સવ સાથે હોળીની ઉત્સાહપૂર્ણ ઉજવણી જોવા મળી. યુવાનો નાચવા, રંગો સાથે રમવા અને ઉત્સવનો આનંદ માણવા ભેગા થયા હતા.લાખાબાવડ દ્વારકા હાઈવે પર 7 સીઝન્સ રિસોર્ટ એન્ડ સ્પા ખાતે યોજાયેલ આ હોળીનાં રંગોની ઈવેન્ટમાં તમામ ઉંમરના લોકો માટે આનંદથી ભરપૂર વાતાવરણ જોવા મળ્યું હતું. સહભાગીઓએ રેઈન ડાન્સ, બાળકોનો પૂલ, કલર એરિયા, ડીજે હેમ્સ સાથે ડીજે પાર્ટી સંગીત, ગુલાલ પિચકારી સાથે પૂલસાઇડ ગેમ્સ આયોજિત મનોરંજક પ્રવૃત્તિઓનો આનંદ માણ્યો હતો. 7 સીઝન રિસોર્ટના ઓનર રાહુલ કેશવાલા દ્વારા ‘ગ્રબ યોર કલર ફેસ્ટ” નું દુળેટી પર્વ ઉજવણીનું આયોજન કરવામાં આવ્યું હતું જેમાં યુવાનોએ હોળીનાં રંગો સાથે ડાન્સની મોજ મસ્તી માણી હતી. ઉજવણી એક લંચ પાર્ટીમાં પરાકાષ્ઠાએ પહોંચી હતી જ્યાં ઉપસ્થિત લોકોએ મિત્રો અને પરિવારજનો સાથે આનંદ માણ્યો હતો.આ ઈવેન્ટે જામનગરના યુવાનોને રંગોના તહેવાર દરમિયાન એકબીજા સાથે બંધાઈ જવા અને કાયમી યાદો બનાવવાનું પ્લેટફોર્મ પૂરું પાડ્યું હતું.
